郭富城演唱會開15場 呢份實力證明咗一件事｜作者：香港茂四

(圖片取自郭富城Facebook專頁)

無可否認，郭富城演唱會的確叫人期待！
不過最近有討論區口痕友話，佢今次演唱會銷情唔及以往咁好，傳出賣唔晒飛的情況，叫好不叫座的最佳例子！
點解會咁？郭富城喎？四大天王喎？

不過四大天王係90年代產物，得罪講句都有20年歷史，如過要睇佢演唱會，廿年來都睇過，金曲都仲係個幾首！加上當年廿歲粉絲今時今日都四十出頭，無復當年勇去追車、睇足15場都唱這歌！

(圖片取自郭富城Facebook專頁)

樂壇青黃不接講到口都臭，除左盜版、互聯網整死娛樂圈之外，傳媒同政府就最大責任！
先講傳媒，唔係黑材料唔出，都算！搵唔到黑材料就作料，一個大話講十次就會係真話，點可能唔死？寫死咗一個又一個，未死嘅又比人揭左秘婚、吸毒、拍拖、生仔⋯⋯ 曾幾何時一本雜誌成本都沒介紹過節目、音樂，全部都係爆料！
觀眾都唔知你班人忙緊咩，自然睇韓星啦！
而社交平台興起，藝人終於有個檔口講下自己首歌，仲使靠你枝筆？真你睬你都傻！
今時今日紙媒下沉，傳媒先話唇亡齒寒？你斷咗好多人衣食、亡咗好多個事業了！何況，扭曲咗個市場，就點都救唔返，呢個係叫「攬炒」！

政府就仲衰，永遠都係後知後覺，盜版、下載都係熱潮過咗先做嘢！每年都話投放幾千萬電影、音樂做資助！
算吧啦！根本唔知米貴！一套戲收到過3千萬，除時都要投資1千萬！你拆細資助咩？又唔夠用；大份又唔知比邊個好！
現時香港咁多大白象工程延誤，其實每年跌1%去資助娛樂事業，都有成10億！搞大騷、開大片、系統訓練、海外推廣、政府帶頭搞頒獎禮等等，其實唔使我教，抄韓國都得，不過講得佢哋係後知後覺，算吧啦！

(圖片取自郭富城Facebook專頁)

郭富城，可以話係靠自己捱過傳媒枝筆、靠自己喺海外闖出名堂、靠自己訓練所以次次個唱都做突破！
所以，唔係佢開15場，仲可以係邊個？
其實郭富城，咪就係香港人精神，入場除咗聽佢愛的呼喚，仲支持緊呢個香港人囉！

(圖片取自郭富城Facebook專頁)

作者：香港茂四
一個娛樂圈茂四，做過前線又做過幕後！
最叻R人專訪，但係又成日推人訪問
說到底打滾咗香港娛樂圈十幾年，深知遊戲規則

＊＊＊＊＊＊＊＊＊＊＊＊＊＊＊＊＊＊＊
Facebook專頁：娛樂定格＿freezentertainment


https://www.facebook.com/%E5%A8%9B%E6%A8%82%E5%AE%9A%E6%A0%BCfreezentertainment-222405268153574/

香港茂四：𡃁模，你咪呃細路！

香港一年一度的書展又舉行，所謂的「書」、「散文集」（即寫真、圖片集等）空群而出，賣胸賣樣各有市場，絕對係盛事！

（相片取自莊端兒官網）

其實書展變質賣寫真，講完又講悶到冇興趣，不過今年的寫真戰產生微妙變化，由以往的教壞細路，變做嚇壞細路！小弟絕不是無的放矢，有根有據！

試想寫真文化早於90年代已經開始，相中人多數是已成名的藝人，衣著保守純粹賣樣，乃個人宣傳技量之一；直到2008年，𡃁模產物盛行，一眾靚女素人賣胸賣性感，有人露點、露毛、露下陰，總之低成本捧紅，好命水的就接job接戲，命格差的另謀出路，她們另一共通點就是「靚同少少大波」或者「又靚又大波」！

到今時今日書展，除咗少數依然天使面孔魔鬼身材外，大部份皆妖孽橫行，不得不用上網絡上最常用的Cap圖術語：「多麼醜的女！」老老實實，仍然靠露乜露物做賣點，樣唔靚男人已經扣左大半分，唔靠中佬市場靠年青人？喂！你呃細路啊？小朋友都有要求㗎？你估佢想J八年前本angelababy 、周秀娜寫真，還是大波辟邪版相集？揀無可揀仲有ThisAv.com，形象差其實與「服務業」女性無異，咁已經注定其前路，「紅」其實只係一個夢...

有的所謂潔身自愛的𡃁模，唔賣性感推出散文圖片集，不過就靠集資出書（即係向網友籌錢），大膽問句：書商都睇唔到有市場，出黎做乜？所謂散文圖片集連唯一「功用」都冇，買番本真係拜讀閣下墨水咩？

工具書與非工具書分界清晰，但不代表散文女作者有幸走上「紅」呢條路！有樣冇身材，咁你可以轉型做咩？好戲、唱歌掂，一早有人簽咗，使靠自己？籌錢出寫真，頂多成為老時回憶，同子孫分享當年婆婆做「𡃁模」，自己俾錢出咗本書而已⋯⋯到識諗之時，老矣！

(相片掫取自周秀娜官網片段) 

書展開鑼同日，周秀娜玩真人版小精靈遊戲被鬧爆，成為關公災難！難為了娜姐，其實作為元祖級𡃁模的她，只想提醒大家妖孽橫飛，佢捉妖精係想清理門戶而已，你地諗太多喇！

作者：香港茂四

一個娛樂圈茂四，做過前線又做過幕後！
最叻R人專訪，但係又成日推人訪問
說到底打滾咗香港娛樂圈十幾年，深知遊戲規則

＊＊＊＊＊＊＊＊＊＊＊＊＊＊＊＊＊＊＊
Facebook專頁：娛樂定格＿freezentertainment


https://www.facebook.com/%E5%A8%9B%E6%A8%82%E5%AE%9A%E6%A0%BCfreezentertainment-222405268153574/

香港茂四：胡琳 下一站天后?

你認為胡琳有條件成為天后嗎？

早兩日香港歌手胡琳開記招，但你有注意到這宗星聞嗎？其實記者朋友都有前去採訪，內容大意係前電台台長朱明銳負責的唱片公司，宣佈以千萬打造胡琳成為天后⋯可惜你即使有看過這宗星聞，但你並沒有放在心上。

牌面上分析，胡琳本身唱功冇得彈，背後再集前電台高層、高質素宣傳人員做其後盾，理論上有齊做天后的元素。但時移世易，胡琳在今時今日的香港娛樂圈，仍未必能成功攀上天后寶座。她還欠缺的就是一群網民的吹捧、支持。

沒錯，網民絕對主宰一個藝人的生死，甚至「資深網民」更成為時興的KOL，分分鐘比傳統媒體更有影響力!

胡琳在網絡世界的相關討論，都只限於發燒碟、炒價之類，可惜這都不是主流。網民關心的是「歌手個樣好唔好J」、「佢有冇著黑絲」等等。是否唱得？LIVE水準如何？全不是網民追捧的原則，而當傳統媒體都跟隨網絡潮流去走時，唱片賣唔賣得都不再重要，重點就是有HIT RATE。

回看過去十年，香港最唱得的女歌手包括容祖兒、G.E.M.等等，你最記得有關她們的娛樂新聞是甚麼呢? JOEY我會記我連奪多年女歌手獎、劉浩龍拍拖；而GEM就是跟香港媒體不和、品味走向陸化…

誰記我容祖兒唱快歌時有氣有力，跳舞其實也很不錯；GEM的肺活量很強、現場高音控制自如?

堅持做音樂的路其實很難行，胡琳專程到美國錄音、零緋聞、拒性感，

試問網民會在乎嗎？

唱唔唱得？算吧啦，講呢D！這些都是90年代做「星」的條件。不過如果係咁，你買寫真算吧，聽歌嚟做乜？

作者：香港茂四

一個娛樂圈茂四，做過前線又做過幕後！
最叻R人專訪，但係又成日推人訪問
說到底打滾咗香港娛樂圈十幾年，深知遊戲規則

＊＊＊＊＊＊＊＊＊＊＊＊＊＊＊＊＊＊＊
Facebook專頁：娛樂定格＿freezentertainment

https://www.facebook.com/%E5%A8%9B%E6%A8%82%E5%AE%9A%E6%A0%BCfreezentertainment-222405268153574/